|
Quannu di
l'acqua senti la friscura
e ni la roccia cocci ri rugiata
senti 'na musica di banna pi' la strata
'ddubbata di nastrini e 'lluminari
e ssupra Muntilauru la luna
fa festa cu' li stiddi a ffocu spentu
pari 'na notti di magica canzuna
ca' manna gioia pi' tutta Buccheri.
Sulu un sicilianu pò ccapìri
lu sòffriri e la gioia misi accantu
la petra ciara e li sò niveri
la furistali e li sò prufuma.
Iu ni facissi versi a ccentu a ccentu
ppi' chista terra ca' m'à datu tantu
un filu d'ogghiu trovu sempri 'nsuma
cch'è 'na ricchizza e 'nu beni 'i Ddiu! |
