|
‘Na sirena ca
sona luntanu
‘n apparecchiu ca vola no celu
nu vapuri ca frisca e ‘na manu
ca saluta du vecchi no molu
Unni su li me figghi, u me ciatu?
Viru sulu du occhi vagnati
‘nu vabbagghiu arrappatu ca trema
‘n fazzulettu po nasu ca scula
‘n passu lentu, du peri ‘n pastura.
Unni su li me figghi, u me ciatu?
Su’ po munnu spirduti a circari
lu travaggiu pi ‘n pezzu di pani.
Terra amara la nostra, Signuri!
unni i figghi si fannu p’amuri
ma lu ventu lu friddu e..l’arduri
di cangiari stu munnu fitenti
spingi i figghi e li giuvini menti
a partiri pi terri lontani. |
