|
Chi pinsieri
strani mi vienunu nna menti,
pinsieri fuori tempu,
fruttu do beni ca iù sentu pe cumpagni.
Stannu, pi Natali, vulissi priparari na ranni
Macchia, diversa di l’autri:
NA MACCHIA SPICIALI…
cu rarichi funnuti e rrammi lonchi,
e anveci d’appinnirici palli, luci o stiddi
ci vulissi appenniri i nnommi di tutti l’amici
ca appena i sentu numinari
u cuori mia mi sauta e mi si srinci.
Ci vulissi sistimari i nnommi di l’amici vicini,
di chiddi luntani,
di chiddi ca viru ogni iornu o c’arritruovu dopu
tantu tempu,
i nnommi di l’amici ca canosciu d’assai e di
chiddi ca canosciu di picca.
Su propriu tutti i nnommi di st’amici ca vulissi
appenniri nni sta Macchia,
picchì sta bedda Macchia di Natali ni putissi
tieniri sempri ansemmili
e fari in modu ca a nostra amicizia putissi nun
finiri mai…
picchì l’amicizia è u beni cchiù preziosu ca
pozza esistiri no munnu!!! |
