STA NOSTRA TERRA
Author: Enzo Bongiovanni

ELENCO POESIE

cu na trancia pisanti e ca me forza china ,
vurria , magghia ri magghia ,
tagghiari da catina ,
ca teni priciunera ri sempri la me terra ,
ca chianci ancora i lutti di l’infinita guerra
tra populi occupanti , tra populi bramusi
e tinti malicriati figghi mafiusi .
Pulita la vurria di sti mali ristini ,
ca sfruttunu li frazza e rumpunu li rini .
Poi cu la menti libera , stancu ma saziatu ,
vurria mettiri l’ali e o jautu purtatu ,
purtatu di lu ventu ca n’ha spazzatu a guerra
e ca ni renni liberi supra sta nostra terra .