AFFACCIATI,
O MIA BEDDA CARUSITTA
Author: Rupert Santoro

ELENCO POESIE

Affacciati, o mia bedda carusitta
e saluta stu cori addularatu..
Se ti viru, iu mi senti confurtatu
e lu morali.. mi si metti additta..

Affacciati, ‘ndo barcuni n’ciuratu,
anima mia, d’amuri biniritta..
‘Ntra i rosi si la chiù bedda rositta..
Cunsola stu..cori miu addannatu..

Fammi ammammalucchiri a tinchitè
talimmi, e ririmi cu la to ucchitta..
Se ti viru.. pararisu mi pi mia è..

Ah! bedda Vituzza, bedda bidditta..
Basta n’saluto ca m’addumu pi te..
E sula sula.. mi sauta a birritta..