|
A stari, è a staggiuni chiù bedda.
Do primmu iornu i scola,
si cuntunu i iorni finu a quannu arriva
e appuoi ecco…
commu vinni, muta muta, si ni và
e cu malincunia s’ancumincia nautra vota a
cuntari.
Ma chi è ca porta d’accussì bellu??
Pi mia è commu nu viaggiu,
ca chiuru l’uocchi e ancuminciu a sunnari
e m’alluntana di unni staiu tuttu l’annu,
unni u cielu è n’affannu,
pi purtarimi ni m’postu di favuli
unni u cielu è sempri azzurru
c’accuccia stu nicu paisi
ca è appisu ni sti muntagni,
ca quannu arrivu pari ca mi riri:
chistu è Bucchieri, tutta a stari mia.
Macari se è nicu,
mi trasmetti na ranni forza,
ca cancia ogni mumentu passatu
ni nu ricordu ca nun si pò scurdari.
Su chisti i beddi ricordi ,
ca m’accumpagnunu o viaggiu pi l’autra stari
unni lasciu darrieri sta bedda terra
china i sapuri e culuri.
Accussì i iorni passunu
e signu nautra vota pronta a vulari.
|
